ԼՂՀ ԱՆ. Լսողական սարքերի տրամադրում

Այսօր ԱՀ առողջապահության նախարար Արայիկ Բաղրյանը ընդունել է Starkey լսողության հիմնադրամի անդամներ` Անի Փինեջիանին, Թրեվի Թրենրին, Սոնա Հարությունյանին և Նորա Հակոբյանին: Հիմնադրամի համակարգող Սոնա Հարությունյանը նախարարին է ներկայացրել լսողական խնդիրներ ունեցող բնակչության շրջանում իրականացվելիք ծրագրի վերաբերյալ: Ծրագիրը իրականացվելու է ԱՀ Առողջապահության նախարարության, Աշխատանքի, սոցիալական հարցերի և վրաբնակեցման նախարարության և Starkey լսողության հիմնադրամի համագործակցության շրջանակներում, որի նպատակն է անվճար հիմունքներով լսողական սարքերի տրամադրումը:

Ծրագիրը լիարժեք կազմակերպելու նպատակով նախարարը պատրաստակամություն հայտնեց աջակցել նախապատրաստական աշխատանքների իրականացմանը` կապված բնակչության իրազեկման ու հիվանդների հավաքագրման հետ:

Ընդունելության ավարտին նախարարը շնորհակալություն հայտնեց հյուրերին և վստահեցրեց, որ համագործակցությունը շարունակական կլինի:

Հարցեր, պատասխաններ, մեկնաբանություններ